TULO ka pambato sa munisipyo sa Binuangan, Misamis Oriental, ang modepensa sa ilang balwarte sa pagpadayon sa Kuyamis Basketball Inter-municipality Basketball Tournament karong Sabado, Agusto 5.
Duha ka bando sa Binuangan magsangka batok sa duha ka teams sa Jasaan alang sa 14-under ug 18-under divisions.
Ang usa pa ka pambato sa Binuangan alang sa open division masangka sa munisipyo sa Magsaysay.
"Exciting matches karong Sabado kay modepensa ang Binuangan sa ilang balwarte," ingon ni Dan Jaminal, head referee sa Kuyamis Basketball Tournament.
Sa bago pa magsugod ang tanan basketball games, paga-abrihon una sa usa ka volleyball match tali sa munisipyo sa Lagonglong ug munisipyo sa Talisayan.
Sa niaging resulta sa basketball, nibira si Albert Manosa og 22 puntos aron sakwaton ang Libertad ngadto sa 123-116 batok sa Manticao didto sa Gitagum.