ANG Southern Philippines Medical Center (SPMC) fun run: "A road to 100 years Centennial Fun Run" nagmalampuson human gisalmotan sa 500 ka mga partisipante.
Mga empleyado gikan sa nagkadaiyang departmento lakip mga doctors, nurses, administration, human resources (HR) ug utility officers nahimong kabahin sa tulo ug lima ka kilometro nga fun run nga gisugdan sa Institute of Psychiatry and Behavioral Medicine (IPBM) padulong SPMC sa Jose P. Laurel Avenue, Davao City.
Sila VIP's chief of clinics Dr. Ricardo Audan ug SPMC HR head Adelina Macaraig ang nanguna sa kalihukan nga kabahin sa pagsaulog sa ospital sa ika-100 ka tuig.
"It was a very successful, in fact, the feedbacks were all positive," ni Audan sa pakighinabi sa Sun.Star Davao.
Suma pa sa opisyal nga gihatagan ang mga partisipante og giveaways ug gift items human sa dagan.
Si Ma. Irica Ruiz midaug og mountain bike samtans sila Roderick Jay Solera ug Bong Ramirez nakadaug og selpon gikan sa Smart Telecommunications.
Giingon sa opisyal nga sa pag-abot sa 100 ka tuig nga serbisyo sa among ospital lauman sa mga tawo nga dunay dugang imprastraktura ug serbisyo gikan sa SPMC alang sa katawhan.
"We will soon open buildings to deliver our services better," dugang ni Audan.
Nagpasalamat sab si Audan kang SPMC medical director Dr. Leopoldo Vega ug sa executive committee sa pagsuporta sa kalihukan.