Mongaya: Labing maayo nga triathlon

DAKONG garbo alang sa Sugbo ug sa Pilipinas ang malampusong pagpahigayon sa Cobra Ironman 70.3 Philippines. Ug ang dakong pasalamatan niini mao si Lapu-Lapu Mayor Paz Radaza.

Gawas sa mga teknikal nga panginahanglan alang sa maong international event, nibelib sab ang mga nangsalmot sa Ironman sa kadasig ug pagka abi-abihon sa mga Pilipino.

Aron mabati kini sa mga atleta, liboan ka mga tinun-an ang naglinya sa rota sa triathlon samtang daghang mga mabulokon ang makita sa Hilutungan Channel diin sila manglangoy.

Giatiman sab pagmaayo ang seguridad sa tibuok kalihokan.

Kini nahitabo tungod sa pa­ninguha ni Mayor Radaza.

Sa akong pagtan-aw sa kalihokan, ma­kasabot ko sa kadasig mismo sa mayor tungod sa iyang pagsagop sa kamahinungda­non sa ingon niining mga international events alang sa turismo, ekonomiya ug kultura.

Congratulations, Mayor Radaza.

Namatay

Subo lang kay usa sa mga atleta namatay dihang gipahigayon ang swimming relay diha sa Hilutungan Channel.

Si Eric Nadal Mediavillo, 46, gituohang giatake sa ka­sing-kasing dihang gidala na kini sa Mactan Doctor’s Hospital.

Matod pa sa atong mga ka­hi­­ga­­laan sa media, mas ma­ayo nga striktuhon pa ang health screening sa mga atleta aron masiguro nga way ingon niini nga insidente ang mahitabo pag-usab.

Apan kay matod pa hanas nga triathlon athlete kini si Mediavillo, lig-on kini og panglawas ug ang iyang mga higala ug pamilya na-shock sa nahitabo.

● ● ●

Nilusot sa Ubos Balay Balauranan kun Lower House ang balaudnon nga nagdeklarar sa Septembre 21 kada tuig nga special non-working holiday sa tibuok lalawigan lakip ang mga highly urbanized ug component cities.

Kining House Bill 5688 nag­­de­­­klarar usab sa Septembre 21 isip “Cebu Press Freedom Day.”

Nisang-at og House Bill 550 si Kong. Raul del Mar kaniadtong Hunyo 30, 2016 nga naghangyo sa ma­ong deklarasyon.

Gihimo kining House Bill 5688 dihang giuyonan kini sa Committee on Revision of Laws sa miaging Hulyo 26, 2017. Niining tungora, ang ma­ong balaudnon gi-sponsor na sa tanang mga Sugboanon nga kongresista.

Gi-transmit kining balaudnon padulong sa Senado sa miaging Hulyo 31, 2017.

Malaumon kita nga molusot dayon kini sa Senado ug mapirmahan ni Presidente Rodrigo Duterte sa labing daling panahon.

Nagkanayon si Kong. Del Mar nga ang tinuig nga kasaulogan sa Press Freedom Day mahimong mas makahuluganon ug kahinumdoman pinaagi niining umaabot nga balaod.

Salamat sa inyong mga pa­ninguha mga sir ug mam.

(@anol_cebu sa Twitter)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph