USA ka family evacuation plan ang gisugyot sa City Disaster Risk Reduction Managment (CDRRM) Department human nasinatian ang magnitude 5.0 nga linog nga miguba sa pipila ka balay ug pagkasamdan sa usa ka bata human nahulogan og debris sa Valencia, City Bukidnon.
Si Rey Valero, chief sa CDRRM council sa Valencia, miingon nga ang mitambag sa katawhan nga magpabilin lamang nga kalmado labina mabati pa ning panahona ang mga aftershocks gumikan sa kusog nga pagtay-og.
Gikinahanglan usab nga adunay family evacuation plan ang mga residente aron mas masayod sila nga panahon sa linog asa sila mopaingon o magtago.
Kinahanglan i-identify na daan sa pamilya kon unsa nga mga lugar ang ilang balhinan og tagoan kon anaa sulod pa sa panimalay.
Dugang niini nga lisod kaayo tagnaon kon kanus-a mabati ug mahitabo ang linog hinungdan ang pagpangandam lamang gyod ang mahimo sa katawhan.
Kahinumduman dihang nasinati ang kusog nga linog sa maong dakbayan.
Sa Barangay Banlag, Valencia adunay pagliki sa Barangay Hall Building samtang sa Barangay Lurogan adunay pagkaguba sa duha ka mga gagmayng balay nga ginadma sa hallow block.
Ang 7 anyos nga mao si Betty Pardillo nakahiagom og gamayng samad sa iyang likod gumikan natagakan og semento.
Sa Barangay Hagkol adunay pagliki sa New Bus Terminal samtang sa Barangay Poblacion adunay gamayng damyos sa atop sa Puregold Market.
Sa lungsod sa Lantapan, Bukidnon adunay pagliki sa dingding sa second floor nga bahin sa bag-ng Police Station Building sa Lantapan Municipal Police Station.