HABWA ang tina-i sa usa ka lolo human giluba niadtong Domingo sa hapon sa Zone 7, Barangay Lunocan, Manolo Fortich, Bukidnon.
Nawad-an og panimoot nga nilandig sa tambalanan ning Dakbayan sa Cagayan de Oro si Beltuldo Tagupa, minyo ug lumulupyo sa Ala-e, Manolo Fortich, Bukidnon.
Subay sa sulti sa kauban sa biktima nga si Emmie nga miadto kini sila sa maong dapit diin nahitabo ang insidente kay lage maghatod sa mga binhi sa binggala para ilang itanom.
Gidugang pa nga didto nang daan ang maong suspetsado kinsa kalit nga miduol ngadto kanila ug dayong dunggab sa biktima.
Gitoohang selos ang motibo sa maong pagpangdunggab gumikan kay usa ka caretaker sa maong yuta ang suspetsado diin gitamnan sa biktima og binggala kinsa igo lamang nga nag-abang niini.
Duha ka dagkong samad sa tiyan ang naangkon sa biktima diin habwa ang tina-e niini hinungdan nga wala kini sa panimoot samtang gidala sa Northern Mindanao Medical Center.(KCS)