ANG opisyal sa 5th Civil Relations Group (CRG) sa Armed Forces of the Philippines (AFP) misulti nga di ang militar ang basulon sa pagsirado sa Salugpungan Ta Tanu Igkanugon Community Learning Center (STTICLC) didto sa Talaingod, Davao del Norte.
"Walang kinalaman dito ang military," sulti ni Lieutenant Colonel Glenn Dela Rosa sa 5th CRG nga nahinabi sa Balitang Bayan Numero Uno sa dxGO Aksyon Radyo Davao Lunes sa buntag.
Si Dela Rosa mi-asoy nga way kamatuoran ang naunang pahayag sa militanteng grupo nga ang militar mao'y nagpaluyo sa pagpasira sa STTICLC diin nagtungha ang mga anak sa tribung Ata-Manobo.
Gipasabot ni Dela Rosa nga girekomenda sa Tribal Council of Elders sa maong lungsod ang pagpasira sa tunghaan tungod kay nakalapas sa kultura sa mga lumad ang gipangtudlo sa nagdumala sa STTICLC.
"It was the Tribal Council of Elders ang nag-recommend na ipasara ang paaralan na iyon," sulti ni Dela Rosa.
"Gusto nga namin na nabuksan ulit ang paaralan, basta ipapatupad lang ang curriculum na naangkop sa kultura ng mga lumad at mayroon silang permit sa pamamahala sa paaralan," dugang ni Dela Rosa.
Niadtong miaging semana, mga sakop STTICLC nagkampo gawas sa buhatan sa DepEd-Davao aron ipanawagan nga buksan ang ilang tunghaan sa Davao del Norte.
"Simple lang ang among ginapangayo sa DepEd una ang pag-open sa mga gisarado na eskwelahan ug ikaduha ang DepEd dili magpagamit sa mga sundalo," sulti ni Salugpungan council leader Kailo Buntulan.
Mikabat sa 255 ka mga lumad nga estudyante ang mianhi sa Davao City diin misalmot sila sa protesta. (APD/KGL)