NAKAKUHAG supor­ta ang proposed land use plan sa dakbayan sa Mandaue gikan sa nagkadaiyang stakeholders sa dakbayan atol sa public consultation niini didto sa session hall sa city hall niadtong Biyernes sa hapon.

Ang public consultation maoy una sa duha ka public consultation alang sa giduso nga Comprehensive Land Use Plan (CLUP) nga gihikay sud sa unom ka tuig sa Mandaue City Planning and Development Office (CPDO).

Si Archt. Florentino Ni­mor Jr., pangulo sa CPDO, nagkanayon nga ang proposed land use mao usay basihan sa bag- ong zoning ordinance nga gipangamahanan ni Konsehal Diosdado Suico kinsang draft ordinance gi-approbahan na sa unang pagbasa niini sa konseho niadtong Miyerkules.

Ang konsultasyon ni­ad­­tong Biyernes mao usay nag­­silbing hearing sa pag-u­­sab sa kasamtangang zoning ordinance sa dakbayan nga niadto pa 1979 gisunod.

Ang konsultasyon gi­tam­­bungan mismo sa mga negosyante, technical peo­ple, Mandaue City Cham­ber of Commerce and In­­dus­try, ug mga opisyal gi­kan sa probinsya sa Sugbo, Cor­do­va, Consolacion, dak­ba­­yan sa Lapu- Lapu ug Sugbo.

Gisundan dayon kini og open forum human sa konsultasyon alang sa kla­ripikasyon di mahitungod sa CLUP apan sa mga negosyo nga anaa sa dakbayan.

Si Marlyn Bedia, exe­cutive director of Man­daue City Chamber of Commerce and Industry (MCCCI), nangutana mahitungod sa kon unsay mahitabo sa mga negosyo kon mapasar na unya ang bag-ong zoning zone.

Paambit ni Nimor nga mapadayon gihapon ang operasyon sa mga negos­yo apan di na kini mamahimong mo-expand o patas-an pa ang produksyon.

Dugang ni Nimor nga adunay laing requirement ug limitasyon ang ipatuman sa bag-ong zoning ubos sa ordinansa.

Ang mga negosyo nga di mosunod sa bag-ong proper zoning di na unya tagaan og permit.

Ang lakang gisuportaan usab ni Melka Paurley sa Housing and Home Site Regulations Officer 3 sa HLURB.