ADUNAY grupo sa mga opisyal sa Basketball Japan League (BJL) ang ningtunga sa Smart Araneta Coliseum niadtong Dominggo aron motan-aw ni Japanese basketball star Seiya Ando, kinsa nagduwa sa Meralco Bolts isip import sa PBA Governor’s Cup.
Adunay laing rason sa ilang pagbutho.
Ang BJL nagtinguha nga makigtambayayong sa PBA sa umaabot nga mga adlaw alang sa kaayuhan sa duha ka liga.
Si Tatsuya Abe, BJL executive director, mipaambit sa iyang panan-aw kabahin sa PBA, nga maoy labing unang professional basketball league sa Asya.
“Competition is high level,” asoy ni Abe (gihubad sa interpreter) sa interbyu sa InterAksyon.com. “I’ve been watching the PBA and year by year, it keeps on improving. It’s very exciting that it almost led to a fight.”
Plano sa JBL nga makapahigayon og pre-season games diin magsangka ang ilang teams ug ang teams gikan sa PBA karong Septiyembre. Pareho kining ipahigayon sa Pilipinas ug Japan.
Sa miaging tuig, aduna sa’y grupo sa Japanese basketball officials ang mianhi sa nasod nga adunay susamang katuyoan.
Nagkanayon si Santos nga interesado ang PBA niini apan iyang giklaro nga wala pa sila’y pormal nga panagsabot sa mga opisyal sa BJL.