MANGHOD kritikal human gipusil sa iyang maguwang dihang nagkalalis tungod sa ilang kahubog kagahapon sa alas 12:30 sa kaadlawon sa Barangay Baliwagan, lungsod sa Balamban.

Si Rommel Padala, 29, minyo, mekaniko, nagpuyo sa da­pit, kritikal human sam­dan sa tiyan samtang, nitahan ang maguwang nga si Ronito, 34, minyo ug mikaniko.

Si PO1 Teofilo Verano Jr., desk officer sa Balmaban police, niingon nga birthday sa anak ni Ronito hinungdan nga didto sab ang iyang manghod, kabanay ug mga higala sa panimalay niini.

Ang inom niabot ka­gahapon sa kaadlawon ug sa ilang kahubog, nagkalalis ang duha sa wa matinong hinungdan ug nahitabo ang pagpamusil.

Ang manghod namatay sa tambalanan sa dak­­bayan sa Sugbo.