PULIS patay kay aksidenting nakuryentihan samtang gipaubos sa pag­bansaybansay sulod sa kampo sa Regional Public Safety Company (RPSB-7) kagahapon sa alas 10:25 sa buntag sa Barangay Bahay, lungsud sa Sibonga.

Si PO1 Christopher Ruiz, Jr., 23, taga Barangay Labogon, dakbayan sa Mandaue, anak ni retired Police Sr. Inspector/Atty. Christoper Ruiz, namatay ala 1:30 sa kagahapon sa hapon sa South General Hospital (SGH) dakbayan sa Naga.

Si Sr. Supt. Clifford Gairanod, hepe sa (RPSB-7) nga nahinabi sa Sun.Star Superba­lita nga si PO1 Ruiz, lakip kini sa mipahigayon sa ilang orientation course dihang aksidenting nakahikap sa natagak nga linya sa kur­yente kilid sa chapel sulod sa kampo.

Matud pa niini nga dunay wire sa kuryenti nga gikutay paingon sa chpael, nga sumpay pai­ngon sa ikaduhang poste sa ilang gwardiya sa kampo.

Gibutyag niini nga nagpadayon karon ang ilahang imbestigasyon sa maong kaso, sa pagsuta kun unsa gyoy nahitabo, samtang bukas sab sila sa imbestigasyon.