SECTIONS
Monday, December 17, 2018

Taas nga opisyal sa DOH 7 patay

NAPALGANG patay ang regional epidemiologist sa Regional Epidemiology and Surveillance Unit sa Department of Health sa Central Visayas alas 9:30 kagahapon sa buntag sud sa iyang giabangang lawak sa usa ka apartment sa dan A. Lopez, Barangay Labangon, siyudad sa Sugbo.

Sa pasiuna nga imbestigasyon sa mga sakop sa Homicide Section sa Cebu City Police Office, nasayran nga nakit-an si Rennan Cimafranca, 45, lumad nga taga Barangay Poblacion, lungsod sa Pinamungajan, nga wala nay kinabuhi nga naghigda sa iyang higdaanan sa iyang mga sakop nga sila si Kevin Daniel Lopez ug Jerald Olalo.

Igo unta sila maghatod og sud-an apan nahibung nga abli ang atubangang pultahan.

Gidudahan nga sobra na sa unom ka oras nga namatay si Cimafranca.

Matod ni Dr. Shelbay Blanco, pangu sa Resu 7, nga gisigehan og tawag si Cimafranca sa iyang mga sakop kay dunay kini workshop nga tambungan sa Tagaytay sa kaulohan kagahapon.

Sumala niini may gihambin nga diabetes ug hypertension si Cimafranca ug gidasig kini nila nga kanunayon ang pagpatambal.

Siya niasoy nga nanawag ang partner ni cimafranca nga naghisgot nga na-slide kini ug ipatan-aw sa ilang gipuy-an kay namakasyon ang ilang pamilya.

Nagkakuyog pa sila og training sa miaging semana didto sa Bohol.

“Kung trabaho, walay masulti iyang mga colleagues kay buotan man gyud siya. Sa two years nagkakuyog mi, wala sad ky masulti ni Sir Rennan kay wala siya’y libog, dali nimo siya maduol,” paghulagway ni Blanco kang Cimafranca nga 15 ka tuig nang nangalagad sa DOH 7 uban sa ilang kasubo karon. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!