GIISIP sa iyang pamilya nga milagro ang nahitabo sa 12 anyos nga batang babaye nga usa sa tulo nga napagan sa pinusilay tali nila ni PO3 Ryan Quiamco ug Regional Special Operations Group (RSOG) 7 niadtong Martes sa gabii.
Si Karla Teshia Macabunas usa sa tulo ka mga tawo nga nangaangol atol sa hitabo sa sityo Libo, Brgy. Pooc, dakbayan sa Talisay.
Laing duha mao sila si Imee Raganas, 27; ug Nilo de la Cerna, 41.
Sila si Macabunas uban nila ni John Niño Navarro ug usa ka ig-agaw nanaglakaw sa karsada paingon mopauli gikan sa tunghaan.
Ang iyang bag nga dunay mga libro ug notebook naigo diay, apan ang bala nakalapos nga giiisip nila nga milagro.
“Dili naman ko kagadan kay ningul-ngul na man akong bitiis. Nagkadugo naman mao tung mitago na lang ko sa gubaon nga waiting shed,”matod ni Macabunas. (DRT)