DEAR Tita Heart,
Gusto ko magpatambag, four years nami nag-ipon sa akong asawa pero nagbulag mi kay maldita, tapulan, hugawan ug wala siya nagustohan sa akong mga ginikanan ug mga igsuon. Ako ang nibiya pero sakit kaayo. Gusto niya magbalik mi ug maluoy sab ko. Unsa angayon nako buhaton makigbalik paba ko niya?
Jerson
*****
Hello Jerson
Sakitan ka nga mibiya kay bisan wala nimo gilakip denhi sa imong gipadala nga mensahe nabati ko nga gugmahan ka sa imong kaipon taliwala sa iyang ka maldita, tapulan ug hugawan. Kung ingon ana inyong pagbati sa usag usa bisan kinsa walay makapugong kaninyo. Storyahe lang pod na imong kaipon sa mga rason nganong nibiya ka aron dili sab siya matingala. Mas maayong imo siyang sultian kay basin diay og mausab ra siya.
Tita Heart