AKO si Carla nga nagpuyo dinhi sa Villanueva, Misamis Oriental. Akong hisgotan ang akong lovestory nga alang nako dabest kay tungod sa akong dakong gugma nga gibati kang Gino.

Si Gino usa ka musikero nga gatugtog sa usa ka restaurant dinhi sa Dakbayan sa Cagayan de Oro. Tsada ug tingog ug maayo mogamit og mga musical instrument.

Nagsugod ang akong dakong pagbati ni Gino dihang nangaon mi kuyog sa akong pamilya sa restaurant diin siya nagtugtog niadtong tungora.

Tungod lage kay wako mahimutang sa akong gibati gipangayo ko gayud ang iyang numero sa usa ka waiter nga kaila niya.

Sugod ato akoy nihimo og unang move nga i text siya nakurat ko sa iyang reply. Medyo strikto ug nakapangutana asa nako nakuha iyang numero. Ako iya gisultihan nga nakuha gikan sa waiter. Human ato wala na siyay reply kanako. Maorag dili siya interesado.

Wala lang gihapon ko nawad-an og paglaom mao sige gihapon ko Hi kaniya diha sa text apan tungod kay dili gyod moreply, nakahukom ko nga dili na motext pa kaniya. Akong igsuon nag-ingon nga maypa daw magpokos ko sa akong pagskwela kaysa unahon ang ingon ana nga butang.

Naa ko nagtungha sa dakong unibersidad denhi sa siyudad ug nakurat ko kay pareha diay mi og skwelahan ni Gino.

Ang worst, classmate mi sa duha ka subject. Wala lang kaayo ko nagpapansin sa iyaha kay hibalo man ko asa ko mag stand ug seryoso gyod ko sa akong pagtungha usa pod nasayod ko dili siya interesado nako.

Tungod pod lage kay gihatagan ko sa Ginoo og maanyag nga hitsura daghan gayud kamatikdan nako nga gapapansin sa akoa sa among school. Ako lang gayud ang gapamili san akong gusto. mao nga unang higayon gayud nako toa nga nag-una og text kang Gino pero ako naman nga gilimtan.

Namatikdan nako si Gino nga adunay spesyal nga treatment sa akoa, motapad sa akong lingkuran oras sa among klase, magsige og storya ug sunod gipangayo na akong numero sa cellphone.

Nakakatawa ko sa akong huna huna tungod kay nasayod ko nga iya kong gidedma sa akong unang pagtext text kaniya. Wala man gud siya nakakita sa akoa mao nga gidedma ko sa akong text.

Sa pirmero wala nako siya gihatagan sa akong numero. Apan nakurat ko dihang mitawag siya kanako. Sa iyang pagtext nagpasabot gyod nga wala niya gisave ang akong numero.

Sugod ato gasige na siya og pa cute sa akoa, sige text nga ako sab replayan panalagsa. Hangtod nibalik akong pagbati kaniya dihang giuban ko niya sa restaurant ug kung motukar na sa iyang instrumento ako lang iyang gatan-awon, as if no other people exist.

Didto nako naila pag-ayo si Gino, gaubanon ko niya sa ilaha kay anaa man siya nagpuyo sa High end nga subdivision sa Cdeo.

Sa among pag-ila og maayo ni Gino daghan ko nadiskubre niya nga kinaiya. Naa gyod siya pagka strikto, tamili ug dili kaayo gapansin og mga girls mao nga gwapa kaayo akong pamati sa akong self nga gihatagan ko niya og atensyon.

Pagpanguyab niya nako, ako siya gisugot. Karon mag usa nami ka tuig. Bag o lang sab nako siya gisultihan nga akoy nagtext text niya sa pirmero nga iyang unang gidedma. grabe iyang kakurat ug pagpangayo og sorry kay kung kahibalo lang daw siya ako diay ang sige og text sa sinugdanan. Daw anad na siya dunay gasinamok niya.

Akong na realized nga pag-abot sa gugma dili kinahanglan nga magdali dali, tungod kay kung kini alang gyod kanimo, moabot gyod kini sa imong kinabuhi.