CaptainBall: Game of the Century ni Fischer

SI ROBERT James "Bobby" Fischer (March 9, 1943 – January 17, 2008) usa ka Amerikano nga nagpasikat sa chess nga niabot sa punto nga dinagko na ang premyo sa mga torneyo.

Mahinumduman og maayo si Fischer sa iyang pagangkon sa World Championship sa ilang match ni GM Borris Spassky taga-Russia niadtong 1972. Dako kaayo iyang kontribusyon sa dula tungod nga iyang mga demand sa FIDE, ang international governing body sa chess, ug sa mga sponsors nga idisente ang chess paagi sa dagko nga premyo.

Ug karon, naestablisar nga nahimong ‘professional’ na ang chess susasama sa uban sports sama sa basketball, football ug uban pa.

Alang sa kasayuran, namatay si Fischer sa edad nga 64 nga mao sab nga numero sa squares sa chess. Sa iyang pagangat sa chess, usa siya ka ‘child-prodigy’ sa Stados Unidos diin sa edad niya nga 13-anyos nahipatik ang iyang dula batok kang GM Donald Bryne nga ginganlan og usa ka “Game of the Century”.

Atong sundan: 1. Nf3 Nf6 2. c4 g6 3. Nc3 Bg7 4. d4 O-O 5. Bf4 d5 6. Qb3 dc4 7. Qc4 c6 8. e4 Nbd7 9. Rd1 Nb6 10. Qc5 Bg4 11. Bg5 Na4! 12. Qa3 (kung 12. Nxa4 Nxe4 magkaproblema ang puti kay adunay sunod tira sa puti nga Bxf3 dayun kuha ang bishop sa knight sa g5) 12... Nc3 13. bc3 Ne4 14. Be7 Qb6 15. Bc4 (kung 15. Bxf8 motira ang itom og Bxf8 16. Qb3 Nxc3 dili pwede ang puti mobanat sa c3 kay nay tuhog sa bishop sa b4 pero kung makigbaylo ang puti sa 17. Qxb6 axb6 kusog ang black bisan tuod quality down sa baylo kay adunay passed pawn ang black sa queenside) 15…Nc3 16. Bc5 Rfe8 17. Kf1 Be6!! (bahog lang ang queen) 18. Bb6 (18. Bb6) Gikan dinha, sulaya pagpangita ang mga sunod tira sa itom.

Solusyon sa niagi: Jaime A. Frias II (2002)-Johnnel Balquin (2137) Araw ng Iligan 2014 23. Rf7! Rab8?? (23…Kh8 aduna pa komplikasyon) 24. Rg7+! Kh8 25. Rff7! (dili mapunggan ang mate sa Rxh7+, Rfg7+ ug Rh8+ mate) Lakbit lang ko. Maayong adlaw diha sa SUPER ug suking tigpamasa sa Barangay 21 kang Kapitan Gilda Go, sa Barangay 24 ni Kapitan Placido Floirendo, Barangay 28 kang Kapitan Hilarion Nagar ug sa Nazareth kang Kapitan Bebot Rodriguez.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph