SI GRAND master (GM) Rogelio "Joey" Antonio, Jr., ang mikampeyon sa 1st Kadayawan Fide-Rated Open Rapid Chess Championships didto sa Eskina, Lanang Business Park.
Mitala og kinatibuk-ang pito ka puntos si Antonio nga way pildi sa eight-round tournament gi-organisa sa National Chess Federation of the Philippines (NCFP) regional director James Infiesto.
Ang mga gibiktima sa top seed mao sila third-seed national master (NM) Rustum Tolentino, fifth-seed Jayson Salubre, eight-seed Jhonnel Balquin, 16th-seed Reynaldo Gempero, Jr., Nofre Reyes and Ryan Concepcion sa unang six rounds.
Apan mitabla siya kang NM John Marvin Miciano sa Davao City sa penultimate round ug Para Games medalist Henry Roger Lopez sa ikawalo.
Sa iyang Facebook status, Antonio miingon, "To God be the glory!" sa pagdaog sa Kadayawan Open.
"Maraming salamat sa mga sumuporta at naniniwala," ni Antonio kinsang mibulsa og P20,000.
Samtang si Tolentino ang ikaduha human gipildi ang laing duha ka 6.5 scorers Lopez ug NM David Elorta pinaagi superior tiebreaks.
Si Miciano, ang varsity scholar sa Far Eastern University nabutang sa ikalimang puwesto.
Gipildi niya sila six-pointers NM Levi Mercado, Fide master Randy Segarra, NM Alexander Lupian, Gino Angelo Asuncion, Jimzon Trangia, Allen Mirano, Perkins Bayron ug Jimmy Dano.
Ang ikaduha hangtud ikanapulo nga puwesto nakadawat og premyong kuwarta gikan sa lokal panggobyerno sa Davao pinaagi Sports Development Division of the City Mayor's Office. (MLSA/SunStar Davao)