ANG mitan-aw sa Fluvial Float Parade ug Panagtabo sa 32nd Kadayawan sa Dabaw kagahapon, Agosto 18, sa Tionko Football Field ug Davao River maoy pinakadako kompara sa miaging mga tuig.
Si Davao City Tourism Operations Office (CTOO) head Generose Tecson, sa pakighinabi kaniya atol sa kalihukan, nagkanayon nga tungod sa grabeng promosyon ning tuiga ang nagdala og daghang bisita nga langyaw sa siyudad.
"We all have observed that in the previous years, this event is not usually attended by many. So we are very happy that we have seen over a hundred local and foreign tourists arriving and enjoying the activities and showcase of culture," siya nagkanayon.
Si Tecson nagsultinga ang executive committee sa festival naggahin og dakong budget alang sa ning tuiga nga fluvial parade ug Panagtagbo, ang panagtapok sa mga tribu, isip managsama nga kalikuha nga unang kalihukan nga nagpakita sa onse ka mga tribu sa festival sundan sa Tribal Games, Hiyas sa Kadayawan, Indak-Indak sa Kadayawan, ug Pamulak sa Kadayawan.
Si Event Director Allan Hioca, sa pakighinabi, nagsulti nga usa sa mga nag-unang kalihukan mao ang stage design.
"This year we provided a huge tent that fits the stage and the crowd. In the previous years, our stage is not covered by tent so the crowd is not interested to watch because of the heat and humidity," suma ni Hioca.
Ang selebrasyon sa Fluvial Float Parade ug Panagtabo, sulti ni Hioca, nakita nga importante sanglit nagtugot sa mga Dabawenyos nga nagrekognisa sa Davao River ug papel sa 11 ka tribu sa kasaysayan sa siyudad.
Siya midugang nga ant tema ning tuiga sa Panagtagbo nakasentro sa kalinaw ug panaghiusa luyo sa ekstremismo ug panagsungi sa kultura sa katawhan sa Mindanao.
Matag usa sa 11 ka tribu mipakita sa tribal dance alang sa kalinaw ug naglusad og ritwal alang sa kalinaw.