ANIA’Y maayong balita alang sa mga tigmatngon sa ilang panglawas, ug sa mga naghunahuna na nga motamod na alang sa mas maayong pamaagi alang sa maayong panglawas.

Ania na ang M2, kon Malunggay Ice Tea, ang labing unang utanong ice tea sa Pilipinas, nga mapalit na sa bisan kanusa-a human gitumbok sa tiggama niini, ang Nature Earth Corp., sa usa ka dealer nga makaapud-apod sa maong ilimnong presko nga gikan sa umahan.

Gisagol ang kamunggay, okra and luy-á niining maong mainom nga tsa nga mapalit na sa sayon sa 67 Pharma nga may tindahan sa Gallardo bldg. sa dalang General Maxillom sa dakbayan sa Sugbo.

Gipatam-is sa muscavado, concentrated ang M2 nga mamahimong isagol sa mabugnaw’ng tubig o’matagamtam sa init tubig, mibutyag si Zonito Torrevillas Tamase, pangulo sa Nature Earth.

“Pinakasayon ang M2 sa pag-angkon mo sa sa inadlaw nga panginahanglan sa utanon. Dali ra kayo ni’ng andamon. Isagol lang ang upat ka kutsara sa M2 sa basing bugnaw, unya sagli’g kalamansi, mamahimo na’ng madalit ang M2,” nagkanayon si Tamase.

Isip utanon, dasok ang kamunggay (moringa sa iningles ug malunggay sa Tagalog) sa 49 ka phyto-nutrients, sama sa calcium, iron, potassium ug beta-carotene ug inubanan sa 240 ka giingong synergistic nga kalihukan sa lawas. (PR)