GIKLARO ni Karl-Anthony Towns nga wala pa’y kaseguroan nga siya gyud ang kuhaon sa Minnesota Timberwolves isip no.1 overall pick sa umaabot nga National Basketball Association (NBA) Rookie Draft karong Biyernes (RP time).

“If I had a promise I would go start eating ice cream and getting fat,” komedya pa ni Towns. “There is absolutely no promise at all. Right now I’m just trying to see where I’ll be playing. I have no idea.”

Sa labing unang higayon sa ilang kasaysayan, ang Wolves nakapanag-iya sa katungod sa 1st overall pick nga agi’g resulta sa 16-66 nga rekord sa regular season ug suwerte sa lottery nga karon pa gyud nipabor kanila.

Sa miaging seaman, nag-ensayo si Towns sa bag-ong pasilidad sa Wolves lakip na ang ubang dekalidad nga umaabot nga rookies nga sila si Duke center Jahlil Okafor, Ohio State point guard D’Angelo Russell ug Emmanuel Mudiay.

Si Towns nakigdungan sab og pa­nihapon nila ni Wolves president ug coach Flip Saunders hasta sa tag-iya sa team nga si Glen Taylor.

Ang Timberwolves maoy bugtong team nga giapilan og praktis ni Towns.

“Flip Saunders is a great coach and a great guy. Glen Taylor is the same way. He’s a great human being,” matod ni Towns.

Gipasabot ni Towns nga wala siya maghunahuna kon asa siya nga team makaduwa ug ang importante alang kaniya, makapakita siya og maayong katakos. (AP)