PASAKAAN og kaso karong adlawa ang 20-anyos nga si Christy Mae Arriesgado kinsa giingong nag-operate og cybersex den sa usa ka balay sa Sitio Salvage, Looc, dakbayan sa Lapu-Lapu.
Nadakpan si Arriesgado niadtong Biyernes ug mag-atubang kini og kasong kalapasan sa Republic Act 9208 kon kon Anti-Trafficking in Persons nga gi-amyendahan sa RA 10364 o Expanded Anti-Trafficking in Persons, RA 9775 (the Anti-Child Pornography Law) ug RA 10175 (the Cybercrime Prevention Act). Kini walay piyansa.
Gigamit ni Arriesgado ang smartphone sa pagkuha og hubong hulagway sa mga menor ug ibaligya sa mga langyaw. Naa sa social welfare office sa Lapu-Lapu ang duha ka menor de edad. (HBL)