DUMAGUETE CITY - Patay ang usa ka lalake nga giingong dunay deperensiya sa pangisip human gipusil sa wa mailang suspek didto sa Barangay Masulog, dakbayan sa Canlaon.

Ang biktima giila nga Elario Puntalita, 50, ug mulupyo sa naasoyng dakbayan.

Sumala sa kapulisan pinaagi ni SPO4 Johnny Dagohoy nga ang biktima naglung-ag daplin sa dan ug ang suspek nga naglakaw lang nga nagbitbit og armas dayong pusil sa biktima makadaghang higayon.

Ang wa mailang suspek yano ra usab nga milakaw human sa pagpamusil samtang ang biktima nahagba kini ug gisuwayan pa pagdala sa tambalanan apan patay nang miabot ang biktima.

Narekober sa lugar nga nahitaboan mao lang ang usa ka basiyo sa bala sa kalibre .45 nga pistola.

Sumala ni Dagohoy nga sobra sa 10 ka insidente sa pagpamusil sa dakbayan karong tuiga.

Dakong tanghaga ang insidente tungod kay usa ka maa­yong tawo ang biktima ug way dautang record sa buhatan sa kapulisan.