GIPASAKAAN na’g kasong arson ug murder ang suspek sa pagpatay sa iyang kaugalingong bayaw nga babaye nga si Alfonso “Allan” Saballa sa Talisay City fiscals Office kagahapon sa hapon.
Kini human usab miangkon nga siya ang nagpatay sa iyang bayaw nga si Manilyn Saballa niadtong Sabado sa gabii ug misuway pagsunog sa panimay aron pagtabon unta sa krimen nga iyang gihimo. Kagahapon ang kapulisan sa Talisay pinangulohan ni Supt. Germano Mallari pormal nang mipasakag kaso ni Saballa human usab nila makompleto ang mga dukomento ug affidavit sa mga saksi.
Nasayran nga si Saballa miangkon nga siya ang mipatay kang Manilyn asawa sa iyang manghod nga usa ka overseas Filipino worker.
Giingong misuyop una kini ug iligal nga drugas sa wa pa niya himoa ang krimen pinaagi sa pag bunal og martilyo sa ulo sa biktima makaupat ka higayon una gituok ang liog niini. Una nang gihimakak sa suspek nga iyang gilugos ang biktima sa wa pa niya kini patya. Sa resulta sa autopsy ni Doctor Felino Brunia Jr. sa PNP Crime Laboratory nasuta nga way timailhan nga gihilabtan ang pagkababayi ni Manilyn.
Matod ni Supt. Mallari nga ila lang unyang isunod ang pagpasakag kaso physical injuries human usab nga gisukmag ni Saballa ang manghod ni Manilyn sa dihang iya kining nasugatan human sa kremin.