GENERAL Ronald “Bato” dela Rosa motambong sa ika-116th PNP Service Anniversary karong buntag sa Police Regional Office 7 aron hatagan og pasidungog ang mga pulis nga nakahimo og kalampusan sa ilang mga programa.
Ang mga pulis nga tunolan og pasidungog ni General dela Rosa mao silang Sr. Supt. Joel Doria isip Best Senior Police Commissioned Officer for Operation, Sr. Supt. Eric Noble, Best Senior Police Commissioned Officer for Administration.
Si Chief Insp. Christopher Navida sa Cebu City Police Office, Best Junior Police Officer for Operation, Sr. Insp. Norman Nuez sa Bohol Police Provincial Office, best Junior Officer for Administration.
Samtang Best Junior Police for Operation mao si SPO4 Crisanto Bonghanoy Jr. sa Bohol, Best Senior Police Non-Commissioned Office for Operation si SPO1 Maria Flordiliza Realista sa Cebu City.
Best Junior Non Commissioned Officer for Operation si PO3 Phil Restauro sa Cebu Province, Best Junior Police Non Commissioned Officer for Administration si PO3 Geneli Baylon sa dakbayan sa Sugbo.
Best Non Uniformed Personnel supervisory level si Ma. Dolores Quimilat sa Personnel Division samtang best NUP Non Supervisory si Juliet Velasquez sa Mandaue City Police Office.
Ang Cebu Province usab ang napili nga Best Police Provincial Office samtang ang Cebu City Police Office ang Best City Police Office.
Ang Best Provincial Public Safety Company ang PPSC sa Cebu Province, Best City Police station mao ang station 6 sa CCPO samtang sa mga probinsya ang Danao maoy gipili.
Best Women and Children Protection Desk mao ang CCPO, Best Police Human Rights Office ang CPPO.
Makadawat usab og special awards ang Mandaue City Police Office nunot sa ilang pagpanguna sa Project Double Barrel ug double barrel alpha sa niaging tuig.
Bisitahon usab ni General dela Rosa ang usa ka police nga samdan sa anti drug operation didto sa dakbayan sa Talisay nga si PO1 Dennis Valiente aron sab-itan kini og medalya ng sugatang magiting.
Matod ni General Jose Mario Espino nga ang pagkaangol ni PO1 Valiente nagpasabot lang nga ang mga suspetsado nga nalambigit sa illegal nga drugas mosukol gyud.
Dili lang itutok sa 17 anyos nga si Kian Lloyd Delos Santos sa Caloocan City ang insidente sanglit isolated lang kini ug duna pay mga police nga sila maoy nahimong biktima. (AYB)