GENERAL SANTOS CITY -- Hubag ang wait ug puno sa mga bun-og ang nawong ug kalawasan sa usa ka lalaki dihang gitabangan og kulata sa mga kaubang kainom human mag-away sa mikropono sa videoke.

Giila ang biktima nga si Stephen Martinez, residente sa Purok Sta. Cruz, Barangay Calumpang.

Sa reklamo sa biktima nga gipatala sa kapulisan nga niadtong adlaw'ng Dominggo sa gabii giimbitihan siya, uban sa iyang mga kauban sa trabaho sa birthday party.

Sumala pa nga nagkainoman ang biktima ug mga kauban dala ang pagkanta-kanta nila sa videoke.

Apan wala madugay, kalit lang nasamok ang party human nga gitabangan og kulata ang biktima sa iyang mga kauban.

Sa imbestigasyon sa sa Tambler Police Station, nasayran nga gikasuko, matod pa, sa mga kaubanan sa biktima ang pagsolo niini sa pagkanta ug dili na ihatag ang mikropono ngadto kanila hinungdan sa ilang kasuko.

Mga suspek giila nga sila si Edgar Putol, alyas Tano ug si alyas Misyong.

Pangatarungan ni Martinez nga wala niya tuyoa nga masulo ang paggunit sa mikorpono tungod nadala lamang kini sa mga maanindot nga mga kanta sa videoke.

Desididong kasuhan sa biktima ang mga suspek.

Gitambangan siya sa kapulisan nga magpailawom og medical examination. (ECB)