Kabataan nga nalambigit sa krimen giatiman sa Bahay Pag-Asa

SUSAMA sa ngalan sa center nga Bahay Pag-asa mahatagan og paglaom ang mga kabatan-onan nga nalambigit sa nagkadaiyang krimen denhi sa Misamis Oriental.

Ang Bahay Pag-asa nahimutang sa lungsod sa Claveria, Misamis Oriental ug nag-inusarang ganghaan sa mga kabataan nagpangidaron og 12 anyos ngadto 15 anyos nga nalambigit sa nagkalain-laing krimen sama sa pagpanglugos, pagpatay ug pagkalambigit sa ginadili nga druga.

Niaging semana ang personahe gikan sa Standards Bureau of the Department of Social Welfare and Development (DSWD) ang nagpahigayon og accreditation assessment sa Misamis Oriental Provincial Government-run children’s home, Bahay Pag-asa Center.

Mipasar na sa level 2 nga evaluation ang maong center human nakita nga aduna gyod kapasidad sa pagdala ug sustiner sa mga kabataan nga nalambigit sa nagkalain-laing kriminalidad.

“The Bahay Pag-asa Center is highly confident in passing the accreditation assessment because we are observing and embracing the policies and standards set by the DSWD Standards Bureau,” matud ni Provincial Social Welfare and Development Officer head Emelia Andea.

Dugang niini nga nagkalain-laing kabataan gikan sa lain laing lungsod ang gidala sa Bahay Pag-asa ug tungod kay maayo ang ilang pagdumala walay natalang nagsibat kay gigutom.

Ang kagamhanan migahin usab og pundo niini nga mobalot P1.2 milyon matag tuig.