WALA nay sapot ang usa ka lalaki nga mipatala sa kapulisan diin gipahibalo niya nga gikawat iyang cellphone sa bayot nga naka-uban sa motel sa dalang San Pedro, alas 2:00 sa kaadlawon, Martes.

Dismayadong nagpatala sa San Pedro Police Station si Eric (bansagon gitago), taga Panabo City.

Base sa blotter ni Police Officer (PO) 2 Perfecto U. Tuloy, duty desk officer sa presinto dos, alas 11:00 sa gabii samtang naglingkod si Eric sa Rizal Park, kalit miduol si alyas Miko, nagpuyo sa Bolton Extension, Barangay 1-A Poblacion, ning dakbayan.

Giingon nga nangutana si Miko kaniya kung unsa na ang oras, apan nagdugay ang panag-istorya nilang duha nga misangko sa panagsabot nga mag-inom sa Times Beach, Barangay 76-A Bucana.

Human sa ilang tagay, nahukman nila nga mosulod sa motel sa downtown area diin sa kahubog ni Eric, nakatulog siya ug sa iyang pagmata, wala na ang tanang sapot sa lawas.

Wala na sab ang bayot nga iyang nakadulog lakip ang iyang Samsung G4 Android nga nagkantidad og P8,650, Cherry Mobile W7i, P500 nga cash, ug iyang mga gamit sud sa bag.

Misumbong si Eric sa pulis nga nagtuo siyang gi-blow job siya sa bayot una kini mibiya dala ang iyang mga gamit.

Ang kaso anaa na sa theft and robbery section sa San Pedro Police Station.