PADAYONG gisubay sa awtoridad ang posibilidad sa giingong reactivation sa Special Partisan Unit (Sparu) sa New People's Army (NPA) nga posible nga maoy hinungdan sa pipila ka mga pagpamatay sa mga law enforcers.
Atol sa Armed Forces of the Philippines-Philippine National Police press conference niadtong Miyerkules, Agusto 23, gibutyag ni Task Force Davao (TFD) Commander Colonel Erwin Bernard Neri nga ang nakumpiska nga mga armas sa TFD checkpoint sa Licanan sa Bunawan niadtong Lunes, Agusto 21, giingong usa ka timailhan nga maoy gamiton sa paglikida sa operasyon sa otoridad.
"At this point, that is still a theory. We are still actually validating all those information. Actually, the plan of the CPP (Communist Party of the Philippines)-NPA really is to deploy liquidation teams in different parts of the region but as far as Davao City is concern, we are further validating this information with regards to the seizure of the eight firearms last Monday,” sigon ni Neri.
Dugang ni Neri nga dako kaayo ang papel sa katawhan nga mosumbong dayon sa awtoridad ugaling dunay makit-an nga kadudahang lihok sa tawo.
"As far as nandito na ba sa loob, we cannot discount the fact na meron na and that’s the reason that we really have to be alert all the time," pahaya niya.
Tungod niini, ang kasundalohan ug kapulisan sa rehiyon anaa sa full alert status aron masegurong luwas ang publiko batok pagpanghasi sa mga rebelde.
"We are still validating the information that the Southern Mindanao Regional Committee (SMRC) has issued a directive to intensify the conduct of SPARU operations targeting unwary military or police personnel," sulti ni Captain Rhyan Batchar, Philippine Army’s 10th Infantry Division spokesperson.
Sa bahin sa Davao City Police Office (DCPO), gibutyag ni DCPO spokesperson Police Senior Inspector Ma. Teresita Plaza-Gaspan nga mipagula na og derektiba si DCPO director Senior Superintendent Alexander Tagum ngadto sa ginsakpan sa DCPO aron luwas sila sa mga pagahimuong operasyon.
"The city director directed personnel of DCPO to take extra careful. In fact, we are reminded of the personal security body-body system lalo na pag-alis admin time. Hindi kami puwede na kami lang mag-isa kung lalabas,” sulti ni Gaspan. (Jeepy P. Compio)