KUALA LUMPUR - Ang magpares nga sila Trenten Beram ug Aries Toledo mapasigarbuhong mibandera sa bandila sa Pilipinas sa ikaduhang adlaw sa 29th Southeast Asian Games athletic competition didto sa National Stadium sa Bukit Jalil niadtong Miyerkules gabii.
Mga bag-ohan sa torneyo nga Filipino-American nga si Beram ug Toledo midaug sa men's 200-meter run ug men's decathlon sa maong han-ay aron mas mapalambo pa ang kampanya sa nasud sa athletics.
Unang midaug mao si Toledo, ang kanhi sprinter kinsa mipildi sa 2015 Singapore SEA Game silver medalist Jeson Ramil Cid ug 2014 Incheon Asian Games decathlon king Suttisak Singkon sa iyang 6,894 puntos.
Gigukod si Singkon og 9 puntos sa pagsulod sa 10th ug final leg, ang Pinoy decathlete nga milabaw na sa tanan sa four-man finals pinaagi sa pagpanguna sa men's 1,500-meter run sa 4 minutos ug 39.80 segundos.
"Nananalangin po ako sa itaas na huwag po akong bumigay kasi sa javelin (throw, the ninth event) pa lang sumasakakit na yong buong katawan ko," ni Toledo.
"Sabi ko po sa sarili ko: para ito sa bayan, para ito sa bayan kaya di ako dapat magpatalo," dugang niya.
Samtang nanguna sab sa heats, mas miulbo si Beram sa final 100-meters ug mibiya sa field lakip si Malaysian century dash champion Khairul Hafiz Jantan aron mohari sa men's 200-meter race sa bag-ong nasyonal rekord 20.84 segundos.
Samtang si Jantan, kinsa mihubag ang wala nga paa, wala nakamedalya ug napuwesto sa ikaupat (21.28) nga misunod siya kang bronze medalist Thevarr Gunnesaran sa 21.26 segundos.
"This feels great because this is my first SEA Games. I am only 21 so this is only the beginning," ni Beram. "I was really just being myself so winning the gold was a bonus. I knew that I was coming in as a rookie, nobody knows me so it is good to put my name out there," dugang sa University of Connecticut mathematics student, kinsa inahan taga-Cebu.
Ang kadaugan nila Toledo ug Beram ang mikambyo sa makadismaya kang Fil-Am Kayla Richardson nga ikalima (24.29) batok Vietnamese gold medalist Le Tu Chinh (23.22).
"Too much wear and tear," ni Richardson, University of Southern Califorinia freshman ug athletic scholar nga mieksplikar sa iyang di maayong performance, "Anyway, there is still the 4x100 relay on Friday."
Samtang nakapalta sab sila Harry Diones ug Marco Vilog sa men's triple jump (16.83 meters) ug men's 400-meter run (1:49.41).