Pipila ka mga lungsod dili pa marilisan sa 4Ps cash grant

PIPILA ka mga lungsod sa Northern Mindanao ang dili usa marilisan o gisibog pa sa Department of Social Welfare and Development (DSWD) Field Office ang pagbayad sa cash grants sa mga benepisyaryo sa Pantawid Pamilyang Pilipino Program (4Ps) nga ubos sa over-the-counter nga pay-out.

Gipasabot ni Oliver Inodeo gikan sa DSWD-Northern Mindanao nga nakasinati na usab og technical glitches ang DSWD ug Land Bank of the Philippines IT systems.

Si Edgardo Micayabas, chief executive officer sa First Community Cooperative (Ficco), nagpahibalo nga dili pa mahatagan ang mga benepisaryo sa 20 ka lungsod ug usa ka dakbayan nga sakop sa probinsiya sa Bukidnon, Misamis Oriental, ug Camiguin tungod kay nagpadayon pa ang IPSec configuration ug testing tali sa team sa Land Bank of Philippines ug Ficco.

Ang Ficco mao ang usa sa mga conduit sa Land Bank of Philippines sa pagbayad sa cash grants sa benepisaryo sa 4Ps.

Apektado nga benepisaryo mao ang nagpuyo sa Catarman, Guinsiliban, Mahinog, Mambajao, ug Sagay sa probinsiya sa Camiguin; Kitaotao, Cabanglasan, Libona, ug Malitbog sa Bukidnon; Alubijid, Balingoan, El Salvador City, Claveria, Gitagum, Initao, Kinoguitan, Libertad, Lugait, Manticao, Naawan, ug Sugbongcogon sa Misamis Oriental.

Duha na ka bayranan o upat ka bulan nga cash grants ang gikatakda unta nga dawaton sa mga benepisaryo sa 4Ps karong bulana, apan dili kini madawat hangtod dili mahuman ang configuration.

Malaumon ang DSWD-Northern Mindanao nga nga dali-on ug solusyonan ang kadelatar sa pagbayad sa mga benepisaryo sa ilang cash grants tungod kay sa sige og kadelatar gaka-apektohan na ang relasyon tali sa DSWD Field Office-Northern Mindanao ug mga benepisaryo sa 4Ps ilalom sa over-the-counter hilabina nga moabot sa 270,000 ka mga household ang aktibo sa rehiyon. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph