AWARDEES sa Regional Directors Streamer ang Ozamiz City isip Best City Police Station atol sa ika-11th Police Service Anniversary Celebration nga gipahigayon sa Regional Head Quarters sa Police Regional Office-Northern Mindanao, Camp Alagar, Barangay Lapasan, Cagayan de Oro.
Si Deputy Chief sa Philippine National Police for Administration nga mao si PDDG Ramon Apolinario maoy nagsilbing guest of honor ug speaker.
Tema sa dakong kalihokan mao ang “Buhay ng Pulis Handang Ibuwis para sa Katahimikan at Kaayusan ng Bayan.”
Usa labing highlights sa kalihokan Huwebes sa buntag, Agosto 24, mao ang paghatag og pasidungog sa mga station ug ingon man sa mga polis nga gihatag ug maayo ang ilang kaugalingon diha sa pagserbisyo.
Migawas nga Best City Police Station ang Ozamis City ubos ni Police Chief Inspector Jovie Espinido kinsa nahimong kontrobersyal ang drug raid nga gihimo sa pamilyang Parojinog bag-ohay lamang nga gikamatay sab sa mayor sa dakbayan nga si Mayor Adjong Parojinog.
Ang Iligan City Police Office maoy giilang Best City Police Office samtang Best Provincial Police Office mao ang Misamis Occidental Police Office.
Best Municipal Station ang Manolo Fortich Municipal Police Station sa Bukidnon samtang Best Provincial Public Safety Company (PPSC) ang Bukidnon PPSC.
Ang Cagayan de Oro City Police Office nahatagan sab og award isip Best Unit tungod sa Accomplishment sa Project Double Barrel Alpha.
Awardee sab ang mga special unit nga gilangkoban sa Anti Cyber Crime Group; Criminal Investigation and Detection Group; Regional Crime Laboratory Office; Highway Patrol Group; Regional Chaplain Service ug Regional Health Service.
Napasidunggan sab ug nakadawat og Medalya ng Papuri ang pipila ka mga polis nga sila si Police Senior Superintendent Mary Leocy Mag-abo; Police Superintendent Ailleen Bernido; Police Chief Inspector Christian Terrence Caballes; Police Inspector Geraldine Abalde; Senior Police Officer 4 Calixtro Bernido Jr.; Police Officer 3 Mark Job Orendain; POR Arnold Sabijon Jr.,; Police Officer 2 Edzel Salvo; Police Officer 1 Julius Ceasar Gumurod ug usa ka NUP nga mao si Mylen Muego.