SAMTANG dugay-dugay na nahimong lakip sa listahan sa labing adunahan sa kalibutan silang Bill Gates o mga nadato tungod sa information technology, nagpabiling mao lang gihapon ang listahan sa mga adunahan sa Pilipinas.
Sila lang gihapon si Henry Sy ug mga kaubanang mga Filipino-Chinese tycoons. Wala pay Pinoy nga gikan sa ICT sector nga naapil sa top ten sa mga adunahan sa Pilipinas.
Alang kang Yobie Benjamin, usa ka Fil-Am nga negusyante sa Silicon Valley nga speaker sa Geeks on a Beach didto sa Puerto Princesa sa Palawan, indikasyon kini kon unsay ang-ang sa ICT sector sa atong ekonomiya.
Kasagaran sa naminaw kaniya mga negusyante nga nagtukod og mga negusyo nga digital ug tuyo nga motubo kini sama pananglit sa Facebook.
Sulod sa miaging lima ka tuig, nag-abot kini sila matag tuig ug maghisgot unsaon magtinabangay aron molambo ang mga Pinoy nga mga startups.
Human sa duha ka adlaw nga pagkukabildo, naglantaw na ako karon nga hapit na ang katuigan nga sila na ang malakip unya sa top 10 nga listahan sa labing adunahan sa Pilipinas.
Napolitika na
Human sa pipila ka adlaw nga didto ko sa Syudad sa Puerto Princesa sa Palawan, abi gyud nako og nakalimot na ang Sugbo niining isyu sa pagpasirado sa Rico’s Lechon.
Atong maaninaw karon nga nahimo na gyud nga isyu sa politika kini.
Tuod man, mobalik-balik ra gyud ang istorya nga gipasirad-an ang Rico’s Lechon human nasuko ang ka-partner ni Rico Dionson nga si Bea Villegas-Osmeña kay giundang na ang kontrata pagka Hulyo 30, 2017. Si Bea maoy asawa ni Miguel, ang bugtong anak ni Mayor Tomas Osmeña ug Konsehal Margot Osmeña.
Ang mga kaatbang sa politika sa mga Osmeña dili mohisgot nga:
Ang ako lang kay tungod sa politika, malimtan na ang kamatuoran.
OPD
Nahuman na man diay, gani gi-inagurahan na kagahapon ni Kalihim sa Panglawas Paulyn Jean Rosell-Ubial ang bag-ong Out-Patient Department ug Peri-Natal Complex ug laboratory sa Vicente Sotto Memorial Medical Center (VSMMC).
Congratulations Dr. Aquino, Nonoy Mongaya, ug mga kawani sa VSMMC.
(@anol_cebu sa Twitter)