P2.8 M nga marijuana gipang-ibot

MOKABAT og P2.8 milyones nga kantidad sa marijuana ang gipang-ibot sa kapulisan sa dakbayan sa Da­­nao niadtong Sabado, subay sa ilang kampanya nga Oplan Limpyo Danao.

Gipangulohan ni Danao City Police Chief Insp. Gerard Ace Pelare ang maong operas­yon inubanan sa Provincial Drug Enforcement Unit Head, Regional Public Safety Battalion (RPSB) ug Provincial Intelligence Branch (PIB) sa Barangay Langosig.

Nagsugod ang ilang ope­rasyon alas 11:15 sa buntag ug nahuman sila pagpang-ibot sa tanom sa Marijuana sa alas 9:30 na sa gabii.

Nadakpan ang giingon nga nagtanom sa maong mga tanom nga si Damian Laguna Cagang, 49, residente sa Kalangawan, lungsod sa Asturias apan temporaryo nga nagpuyo sa Barangay Langosig.

Nalarot sa operatiba ang 13,800 ka mga fully grown nga marijuana plants, 980 marijuana stalks diin gisunog kini sa bukirang bahin samtang 67 ka stalks ang gidala sa estas­yon isip ebidensiya.

Nasakmit usab gikan kang Cagang ang pinuto nga mga dahon sa marijuana nga gisulod sa plastic, bolo, balde, ug gunting.

Pasakaan og kasong kalapasan sa Sec. 11 ug 16 sa Art. II sa Republic Act 9165 si Cagang kinsa kasamtangan nga natanggong sa prisohan sa Danao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph