Kadayawan Lumba Bisikleta: Davao City Riders nanguna

ANG Davao City Riders ang maoy nanguna 19th Kadayawan Lumba Bisikleta didto sa Crocodile Park Grounds sa Diversion Road, Davao City, niadtong Sabado, Agusto 26.

Sila Orlando Sabejon, Mario Buro, Francis Jay Guillaran ug Angelita Acedo pambato sa Davao City Riders mitapok og kinatibuk-an 31 puntos aron makuha ang team category titulo ug P10,000 premyong kwuarta gikan sa Sports Development Division-City Mayors Office.

Gipildi nila ang Davao City Team A nga gilangkuban nila Myra Regina Acedo, Johane Zane Takatoshi Kagitomi, Joshua Gaon ug Brian Cantomayor kinsang miiskor og 27 puntos ug Team Lutayan sa Sarangani Province nga dunay 17 puntos aron mabutang sa ikaduha ug ikatulo sa maong han-ay.

Ang Davao City Team A mibulsa og P5,000 samtang Team Lutayan nakadawat og P3,000.

Sa individual event, si Buro sa Davao City Riders mihakot og duha titulo lakip ang boy's 13 and under road bike ug mountain bike events.

Si Francis Jay Guillaran midaog sa boy's 15 and under road bike event samtang Sabejon sa boy's 19 and under.

Malampuson sab napabilin ni defending champion Myra Regina Acedo ang iyang titulo sa girl's 19 and under road bike ug mountain bike events.

Samtang si Emmanuel Ebora sa Malaybalay Bukidnon, midomina sa boy's 15 and under mountain bike event ug si Redentor Fortuza sa Team Koronadal ang mikampeyon sa boy's 19 and under mountain bike category.

Bahin ni Takatoshi ang midomina sa BMX category sa kompetisyon nga gitugutan sa PhilCyling. (ABM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph