DUHA ka mga kanhi world champions ang miawhag kang boxing legend Oscar De La Hoya nga dili modayon sa plano niining mobalik og away.
Ning bag-uhay lang, gikataho sa ESPN.com nga seryuso si De La Hoya nga mobalik og away ug sa kasamtangan, mihatag na kini’g 50-50 nga poruhan nga madayon kini.
Apan dakong supak niini sila si Ricky Hatton ug Lennox Lewis.
“I heard Oscar De La Hoya is 50/50 on a comeback,” matod ni Lewis sa interbyu sa www.boxingscene.com. “I’m 100/0 that he should not. Father Time is still undefeated.”
Si De La Hoya nag-edad na og 42 ug wala na kini moaway dihang miretiro kini human sa iyang 8th round TKO nga kapildihan batok kang Manny Pacquiao.
“Needless to say, I wish him all the very best, but he’s 42. It’s just so hard to finally say goodbye to the sport,” asoy ni Hatton.