GITULDOKAN ni LeBron James ang iyang pag­pakahilom sa social media aron pasalamatan ang iyang mga sumosunod human napakyas ang Cleveland Cavaliers batok sa Golden State War­riors sa 2015 National Basketball Association (NBA) Finals.

Ang kanhi four-time MVP nag-post sa iyang Facebook account og malipayong mga bata sa usa ka amusement park ride nga adunay duha ka mga paragraph nga mensahe kagahapon (RP time).

Nahimo man tuod nga sentro sa mga pagsaway si James human sa finals apan dili angayang wagtangan og bili kon giunsa niya pag-agak ang Cavaliers paingon sa finals bisan wala ang ubang mga pambato sa team nga sila si Kyrie Irving, Kevin Love ug Anderson Varejao.

Nagkanayon si James nga dili siya malipayon sa mga panghitabo apan iyang gipanumpa nga maningkamot siya aron mahatod ang Cavaliers sa kalampusan.

“It hurt to lose. I’ve been in a funk lately but this… this is what motivates me to do what I do. How can I ever be down when I know my kids and my fans have my back?,” mensahe pa ni James, kinsa adunay 21 million followers sa Facebook.

“Being back home and back with my fans is everything that I dreamed of. Thank you for an incredible season. I’m not satisfied… I’m not happy with the way things turned out… I promise to get better,” dugang ni James.

Gihuman ni James ang iyang post pinaagi sa mga hashtag nga #StriveForGreatness #ILoveTheseKids ug #GodBlessOurFans.

Ning pagsuwat, ang post ni James nakahakot og 176,517 likes ug 7,245 shares.