KRITIKAL ang kondisyon sa usa ka tawo nga gidunggab samtang gikan nga nagpalit og lugaw pasado alas 4 ang takna sa hapon sa dalan Cabantan, Barangay Luz, dakbayan sa Sugbo.

Ang samdan sa iyang lusong-lusong mao si Victor Orbeso, 28, nga taga Sityo Kamagong, Barangay Lahug.

Gitumbok nga nagdunggab giilang ujsa ka “Diego” nga taga Sityo Santo Nino, Barangay Luz.

Sa nasayran gikan sa homicide Section ang biktima gikan nga nagpalit og linugaw sa dihang gisundan kini sa suspek ug dayong gidunggab tumong sa iyang lusong-lusong.

Bisan pa man ug nasamdan na ang biktima nakahimo pa kini sa pagdagan paingon sa panimalay sa iyang iya-an ug mao nay nagdala kaniya sa pribado nga tambalanan.

Mi-responde ang ka­polisan, apan wa na maabti pa ang suspetsado ug wa na usab kini sa ilang panimalay pag-abot sa kapolisan.