SAYON rang ingnon nga kinahanglan nato nga kalimtan ang usa ka kasakit nga miagi sa atong kinabuhi aron makahimo kita sa pag-aginod sa unahan.
Apan ang kasakit sa pagkawala sa usa ka minahal sa kinabuhi, di kini mawala, padayon kining banhawon sa atong panumdoman diha sa mga panahon nga duawon kita sa kamingaw.
Ang uwat sa kasakit, magpabilin kining buhi diha sa atong kasingkasing hangtud sa hangtud, kay sila man ang mitugaw sa atong gugma aron masaw-an kini diha sa pagpadayon sa kinabuhi.
"How I was late on her funeral for four days because my mother kept it a secret and how I lost the chance to be with her during her remaining days, hours. Acknowledging that she’s now gone is still a challenge to me. Last night I was hugging her tight and then I woke up only to realize I’ve been dreaming of her again - like I did for the last five years.
I Googled the stages of grief; the framework is denial, anger, bargaining, depression and acceptance..."
"So there’s five, maybe it’s easy, I thought. But it’s not the regular “complete this step to progress to the next” kind of task. Sometimes it feels like you’re in the fourth step and ready to jump onto the final stage but you realize you can’t yet so you tumble to square one again..."
Kini ang tipik sa subling makakumot sa kasingkasing nga pamulong ni Dennis Larida kinsa namatay ang iyang asawa nga si Melanie ug 12-anyos nga anak nga si Josh, atol sa Roxas Night Market Bombing niadtong September 2, 2016, atol sa commemorative mass, niadtong Agosto 31, 2017.
Atol sa Kasaulogan sa Misa, midagkog si Dennis og kandila sa lapida sa 15 ka mga namatay lakip didto iyang asawa ug anak.
Taliwala sa mga nagsubong Dabawenyo, subling nakapabuhagay sa iyang luha si Dennis atol sa iyang pamulong, -- luha sa kamingaw, luha sa gugma ug luha sa pagsalig sa Diyos.
Sumala ni Dennis ni bisan usa wala niya gitamnan og pagdumot ang iyang kasingkasing sa mga tawo nga mihimo sa bayolente nga hitabo, inay kining tanan iyang gisalig sa Diyos gumikan nagtuo siya nga ang Diyos ang kabalo moigo sa tanang butang sa kalibutan.
“Wala koy kalagot sa kung kinsa man, ang akoa lang unta duna moy makat-unan ani nga panghitabo. Sa mga terorista, nag-ampo ko nga bag-o man mo mohawa ning kalibutana, makit-an ninyo ang Ginoo ug maghinulsol sa inyong nabuhat," sumpay sa pamulong ni Dennis.
Buot ni Dennis nga una man siya mawala sa kalibutan, unta dunay makat-onan ang mga terorista nga mihimo sa ingon, ug makita na ang tinuod nga kalinaw.
Nahimo sab nga inspirasyon ni Dennis dihang nakita niya ang ubang kabanay sa mga biktima nga hinayhinay nang nakadawat sa panghitabo, apan dunay pipila nga mibilib kaniya kung paunsa niya nadawat ang ingon niini kasayon nga pagdawat sa hitabo.
Sumala niya, niini wala na ang iyang pamilya, iya na lamang giisip nga naa lamang sila sa iyang kiliran diha sa pagpadayon sa iyang panginabuhi isip usa ka drayber sa trak ug sa adlaw nga Dominggo usa siya sa mga Church Elder.
“Both sides of our family are very religious. Ang akoang in-laws mao among mga pastors sa Alliance ug sa akoang side, active sad kaayo mi sa mga church-related events," pung niya.
“I will never gamble my relationship with the Lord. Maybe he let that thing happen because it was his will and I would need to learn something,” dugang niya.
Bisan usa ka pulong, wa niya napanguntana sa Diyos nganong usa ang iyang pamilya sa nahanaw sa maong hitabo luyo sa ilang pagka-aktibo sa simbahan.
“Daghan unta kaayo mig ma-halad. Akoang misis, naga-praise og worship, si Josh, naga tugtog og drums para sa simbahan. Maabot gani mi og Paquibato aron mangalagad unya duna pay mga rebelde nga maminaw sa amoa sa Paquibato," paambit ni Dennis nga gipugngan ang subling pagtuo sa iyang mga luha.
Iyang amigo sa simbahan, miingon kaniya, "Nonoy, matubag lang na imohang pangutana pag magkita namo sa Ginoo," sumpay niya.
“It was my strong relationship with God that saved me from that tragedy. Of course, along with the company of my family, friends, and church mates. Ang akoang armour lang gyud, mao ang akoang sinaligan nga dili ako ang naggunit sa Ginoo, ang Ginoo ang naggunit sa akoa, sa atoang kinabuhi," panapos sa atong bida.
Sa pagpadayon sa iyang pangalagad sa Diyos ug pagsangyaw sa pulong niini, di niya malimtan ang paghisgot sa mga butang kung paunsa dawaton diha sa kinabuhi ang usa ka kasakit gumikan alang niya, ang kasuko, pagdumot ug kasilag walay lugar sa iyang kasingkasing.
Napaambit ni Dennis kung paunsa dawaton ang usa ka sakit nga kamatuoran nga walay mansa sa pagdumot bisan subli pang banhawon sa panahon ang mga mangitngit nga kagahapon.
*****
Ang maong istorya napatik sa personality profile column sa SunStar Davao sa pinulongang English, diin gihubad sa pinulongang Cebuano ni Keisha Pulido intern sa Ateneo de Davao University (AdDU) ug gipahaum ni Jeepy P. Compio ning maong kolum