DI NA maghuwat pa ang Department of Labor and Employment (DOLE) 7 sa mga taho o reklamo sa mga risgo sa kontruksyon nga gipanghimo nga proyekto sa rehiyon human nagsugod na sila pag-assign og labor laws compliance officers (LLCOs) nga mosuta niini.
Mao kini ang gianunsiyo ni DOLE 7 OIC regional director Cyril Ticao human nag-assign na sila og LLCOs sa Cebu Provincial Field Office, Tri-City Field Office nga molakip sa mga siyudad sa Cebu, Mandaue ug Lapu-Lapu.
Ang maong lakang gihimo human sa profiling sa mokabat 113 ka contractors ug subcontractors ug mga impormasyon sa kasamtangan nila nga proyekto aron mainspeksyon.
“The IJA that we facilitated was a unique one in that we made sure to include the discussion on safety in the construction industry as stipulated under Department Order No. 13 Series or 1998.”
Ubos sa D.O 13-1998 kon ang Guidelines Governing Occupational Safety and Health sa Construction Industry, gisaysay niini ang kamahinungdanon nga luwas ang trabahante nga nagtrabaho sa proyekto lakip na ang publiko duol sa dapit.
Dugang ni Ticao nga kon mohimo og inspeksyon ang LLCO, dili lang ang Occupational Safety and Health Standards ang tan-awon niini apan, lakip usab ang General Labor Standards.
“We urge all contractors to religiously implement all safety precautions and programs in the workplace. It is also equally important that before any construction project commences, the DOLE-approved CSHP is already in place.”
Niadtong Agusto 24, nihimo ang DOLE 7 og industry-wide joint assessment sa mga contractor ug suncontractors, trabahante, safety officers, practitioners ug uban pa. (HBL)