WA lang hibaw-e, showing na karong Sept. 13 ang labing unang pelikula ni Pinoy Big Brother Lucky Season 7 Big Winner Maymay Entrata ug sa iyang PBB partner Edward Barber nga giulohan og “Loving in Tandem.”
Gibituonan usab ni sa mga paborito ninyong PBB housemates Kisses Delavin, Marco Gallo ug Ryan Bang.
Sa direksyon ni Giselle Andres, si Maymay nidala sa papel nga si “Shine”, kinsa nangaliya nga hatagan siya og anghel.
Dinhi iyang nahimamat ang balikbayang si Luke nga gidala ni Edward. Apan kay dili kasabot og Tagalog, wala tuyoang napailaila ni Luke si Shine sa iyang mga katagilungsod nga “jowa.” Tag-an nako mokita ning salidaha tungod sa kadaghang followers sa PBB.
Dapat magpakitang gilas sa “Loving in Tandem” si Maymay kay dinhi masukod kon duna ba siyay potential mamahimong sikat nga komedyante.
Moral lesson
Maayo ra sad nga giatras na sa ‘rape victim’ ang kasong iyang gipasaka batok sa Tawag ng Tanghalan grand champion Noven Belleza.
Ang moral lesson ani nga kon babaye kang buhat, dili gyud unta ka dapat mokuyog sa hotel o condo unit nga kamo rang duha sa lalaki, labi pa kon duna na kay uyab.
Bisan kinsa pa na imong amigo, bisan pa og moingon siya nga duna siyay laing kauban didto, dili gyud ka mokuyog kay maora ra kag gahatag ana og motibo. Simba ko uroy i-gang rape ka didto way makatabang nimo kay ikaw ra man usa.
#Delicadeza
Kato bitaw kasikatan niadto sa bandang Cueshe, kay nakakuyog man ko sa ilang provincial tour sa Pampanga ug Baguio niadtong 2006, personal kong nakakita sa mga female fans nga mao gyuy manung sa gisak-ang hotel sa Cueshe.
Dunay mobisita nga magtinagurha, dunay grupo, duna say mag-inusara lang. Mga laysho ug gwapa ra ba kaayo.
Maayo na lang buotan ang Cueshe. Wa ko kakita nga ni-take advantage sila. Mao nga kining nahitabo sa kaso ni Noven ug sa ‘rape victim’ magsilbi untang moral lesson.