Gitagbo ang 23-anyos nga si Francis Casey Alcatara sa usa ka pahalipay atubangan sa opisyal ug kinabag-ang empleyado sa Cagayan de Oro city hall niadtong Lunes.

Gipasigarbo ni Cagayan de Oro City Mayor Oscar S. Moreno ang tennis player sa dakbayan niadtong flag-raising ceremony sa city hall.

Garbo sa Barangay Nazareth ning dakbayan si Alcantara tungod nga nakaangkon kini uban ni Treat Huey og bronze nga medalya alang sa nasod sa tennis men’s doubles sa bagohay nahuman nga 28th Southeast Asian Games nga gipahigayon didto sa Singapore.

Didto ni kolehiyo si Alcantara sa Pepperdine University sa California diin pambato sab siya sa NCAA tennis tournament sa Stados Unidos.

Nagsugod ang iyang paggamot sa tennis diha sa Nazareth Tennis courts diin mahinumduman iyang pag-angat pagka-numero uno sa Philta age group gikan 10-under, 12-under paingon sa 20-under sa Philippine Tennis Association (Philta) rankings.

Nahipatik didto sa maong korte sa Nazareth nga “Home of Francis Casey Alcantara” tungod nga nidaug siya uban ni Hseih Cheng-peng sa finals sa 2009 Australian Open Boy’s Doubles.

Sa maong tuiga, naabot ni Alcatara ang iyang kinataas nga junior ranking nga world no. 14. Nakadula pa gyud kini sa Davis Cup.

Ang top-4 makatagamtam og twice-to-beat advantage. (Taho sab gikan kang Erwin Lirazan/SunStar Cebu)