PORMAL nga nipahibalo ang Philippine Atmospheric, Geophysical and Astronomical Services Administration (Pag-asa) nga nagsugod na ang ting-ulan sa tibuok nasod.

Nagsugod na usab sa pagmonitor ang Misamis Oriental Provincial Risk Reduction Management Council (PDRRMC) ug Cagayan de Oro Risk Reduction Management Council (CDRRMC).

Gibutyag ni Reynaldo Dy kinsa PDDRRMO officer nga nagsugod na sila sa pagmonitor sa nag unang mga suba sa probinsya diin adunay lima ka mga suba nga angayan bantayan sama sa Linugod River; Odiongan; Balatukan; Tagoloan; ug Iponan River.

Dugang niini nga gimandoan na nila ang mga Barangay Risk Reduction Management Council nga nagikan sa nagkalain laing barangay sa probinsya nga i monitor ang ilang mga lugar labina kung aduna bay abnormalities sa level sa tubig dili lamang sa kasubaan apan diha sa kabaybayunan.

Samtang ang CDRRMC ning panahona ang kasamtangan usab nga mipahigayon og closely monitoring sa suba sa siyudad labina nasinati na ang pag-ulan ulan matag adlaw.

Gikoordinar na usab sa CDRRMC ang mga opisyales sa barangay aron magmonitor kung adunay mga mamatikdan nga pagsaka sa tubig ug ingon man pagbaha sa ilang dapit panahon mokusog ang ulan.(SVB)