USA ka "Heroes Carnival" ang tema sa 9th Dog Congress 2017 karong umaabot Oktubre 7 didto sa NCCC Mall Davao Kadayawan Hall diin gilauman nga moabot sa 300 ka dog lovers ang mosalmot sa kalihukan.
Kini ang pahayag ni Hardwaremaxx Marketing Specialist Christopher Cua atol sa Davao Sportswriter Association (DSA) Forum didto sa NCCC Mall Food Court 2nd floor niadtong Huwebes, Septembre 7.
"This is in line celebrating St. Francis of Asisi Feast na may pet blessings and no competition ngayon kasi Carnival theme for fun only," ingon ni Cua nga midugang nga ang tanan moapil makadawat og loot box, doog food sampling ug may serbisyo nga anti-rabies vaccination ug check up consultation.
Samtang duna say hatagan og espesyal awards sa partisipante kinsa may most amazing superhero costume, best partnership, most striking persona, smoothest and shiniest hair, smallest and biggest size, friendliest dog, most behave ug handler nga may pinakadaghan gidala iro ug hardwaremaxx Choice Award diin makakuha og 5 kilo nga Maxx dog food ug certificate.
Sa mga dog lover ang rehistrasyon nagpadayon sa tanang NCCC Hardwaremaxx branch. (Marizz S. Robilla)