MAGUINDANAO PROVINCE - Mikalas na og 71 ka mga tawo ang usa ka bulan nga panag-engkuwentro tali sa Moro Islamic Liberation Front (MILF) ug Bangsamoro Islamic Freedom Fighters (BIFF) sa probinsiya.
Subling milusad og air to ground assault ang militar batok sa grupo ni Esmail Abdulmalik, alyas Kumander Abo Toraifie sa BIFF, alas 9:00 sa gabii niadtong Huwebes.
Matud ni Lieutenant Colonel Gerry Besana, Philippine Army 6th CMO Battalion commanding officer, nga subling nagka-engkuwentro ang Joint Task Force Central sa militar uban ang MILF Task Force Ittihad batok sa mga terorista didto sa mga barangay sa Tee, Sambolawan ug Andavit sa Datu Salibo sa nahisgutang probinsiya.
Ang panag-engkuwentro milungtad og tulo ka oras una miatras ang grupo ni Kumander Abo Toraifie paingon sa Liguasan Marsh.
Gigamitan sa mga sundalo og duha ka MG-520 Attack Helicopter sa Philippine Air Force ug 105mm Howitzers Cannon gikan sa Artillery Battalion ang mga kaaway.
Gikanayon ni Major General Arnel Dela Vega, 6th ID commander, nga sa 71 nga patay, 50 niini gikan sa bahin sa BIFF samtang 21 sab sa MILF sud sa usa ka bulan nga binakbakay sud sa SPMS boxs.
"Lumiliit na ang ginagalawang mundo ni Kumander Abo Toraifie at malapit na silang masukol," pagklaro ni Dela Vega.