GISAGOP ug gia­ba­gan sa Filinvest Land, Inc (FLI) ang Agus Ele­mentary School ug nakig-álayon sa Dakbayan sa Lapu-Lapu ug sa Barangay Agus sa pag-áyo ug pag-ugmad pagbalik sa 10 ka mga lawak ug kasigpit nga mga kahimanan sa wala pa sugdi ang tuig tigtungha.

Nitubag ang kompanya sa hangyo ni Mayor Paz C. Radaza ug Kapitan Jimboy Igot uban sa principal nga si Gng. Rebecca Toring ubos sa programang Brigada Eskwela 2015 sa Department of Education.

Labaw pa sa pag-ga­sto alang sa pagpangayo ug pamintal, giúbanan sa mga kawani sa Filinvest ang pipila ka mga magtutudlo, miboluntaryong mga ginikanan ug pipila ka mga kawani sab sa City Hall nga gipadala sa mayor harun mangunay sa pagpangayo niadtong ayo 31.

Nitanyag ang Filinvest og mga pintal ug mga gamit sa pamintal, matod ni Archie M. Igot, project development officer sa FLI, kinsa maoy nangulo sa iyang mga kaubanang kawani sa maong kalihukan.

“Magantihon nga ka­sinatian to namo nga nakita namo ang tulunghaan nga misilaw og balik daw bagó gikan sa among mga pangamot,” mipadayag si Igot nga mipalanog sa nabatyagan sa iyang mga ginsakopan.

Sukad pa sa tuig 2004 nga nag-ugmad sa Mactan ang Filinvest, nga gipanag-iya ug gi­duma sa Sugbuanong pamilyang Gotianun nga gisugdan sa Aldea del Sol sa Bangkal diin bag-o lang gipanalingan ang ikaunom ug katapusang bahin sa maong subdivision.

Naugmad ug nakompleto sab sa FLI ang Mactan Tropics sa may Basak duol sa MEPZ II, ug ang Sunrise Place Mactan, nga socialized-housing pro­ject sa Agus.

Giugmad sab karon sa Filinvest Alabang Inc. ang Serulyan, mapinigong puy-anan sulod sa Seascapes Mactan, samtang gipadagan sa FilArchipelago Hospitality Inc., nga ubos sa Filinvest Development Corp., ang Crimson Resort and Spa Mactan.

Sugdan na sab unya hapit sa FLI ang Futura Homes Mactan, usa ka ekonomikanhong pro­yekto sa Suba-Basbas nga motanyag unya og best-value homes, sama sa modelong Beatrice nga may usa ka lawak, 30-metro kwadradong salug sa 88-metro kwadrado nga luna.

Uban sa reservation fee nga P10,000 lang, maángkon ang Beatrice sa P1.4 milyones lang uban sa down-payment nga gitagitagi og P8,000 matag bulan, uban ang binulan unya pagkahuman ubos sa programa sa Pag-IBIG. (PR)