President Duterte dili moatras sa pakigiyera

MIBISITA si Presidente Rodrigo Duterte niadtong Sabado, Septiyembre 9, sa 4th Infantry Division (4ID) Philippine Army sa Camp Evangelista, Patag, dakbayan sa Cagayan de Oro City.

Kini aron pasidunggan og usab ang mga sundalo labina ang mga nasamdan sa pakig giyera sa Marawi City batok sa mga terorista.

Namahayag ang presidente nga andam siya hisgotan ang hisgotanang pangkalinaw kon ang walhong grupo ang aduna gayud kaikag sa paghimo niini.

Kini tungod kay daw dili na niya bout pa masubli ang halos 50 ka tuig na nga walay kalinaw ug gakahitabo ang mga engkwentro hilabina batok sa mga walhong grupong New People Army (NPA).

Apan daw kong wala gayud interes niini ang walhong grupo, andam siya sa pakigyera.

Daw kung kinahanglan mo-hire siya og 20,000 ka mga sundalo mobatok lamang kanila aron mapatuman ang kahapsay og kalinaw iya kining buhaton maprotektahan lamang ang katawhan.

Nahimo sab nga hisgotanan sa social media ang pagpakita niini sa iyang tattoo human unang gihagit ni Senator Antonio Trillanes si Paulo Duterte kinsa ang bise mayor sa Davao City nga anak sa Presidente nga ipakita ang tattoo niini sa publiko.

Niadtong Sabado, nahimong special guest ang presidente sa Minbizcon 2017 nga gipahigayon sa Xavier Estates Sports and Country Club. (SVB)