HEPE sa Talisay Police station dili pa makatumbok kon ang nakaengkuwestro sa mga sakop sa Regional Special Operations Group (RSOG-7) mao ba ang kauban ni Jessie Largo suspek sa pagpatay sa anak sa kanhi reporter.
Samtang susihon usab ni Supt. Jason Villamater ang report nga adunay koneksyon si Largo nga pulis sa Talisay hinungdan nga dili kini madakpan.
Nasayran nga niadtong Sabado nakaengkuwestro sa kapulisan sa PRO-7 ang manag-agaw nga sila si Josua Tabera, 27 ug Daryl Tabera 28 sa may barangay Lawaan-3, dakbayan sa Talisay.
Ang duha gidala sa tambalanan, apan nakabsan sa iyang kinabuhi si Daryl.
Matod pa, ang duha kauban ni Jessie Largo nga pulos gun-for hire suspek sa nagpatay ni John Ronli Calizar anak sa kanhi reporter.
Samtang gibutyag ni RSOG-7 nga lisod dakpon si Largo tungod kay aduna kini koneksyon sa kapulisan sa Talsiay hinungdan nga nakahibawo kon unsa ang lakaw sa kapulisan.
Si Supt. Villamater miingon nga adunay koneksyon si Largo ug sa manag-agaw nga Tabera, apan dili sila makaingon nga mao na kini ang kuyog si Largo atol sa pagpatay ni Calizar tungod kay wala paman gani kini nila mailhi hangtod karon bisan sa ilang gipagawas mga hulgaway nga posebling kuyog. (DRT)