DAVAO DEL SUR -- Naglaum si Davao del Sur Representative Mercedez Cagas nga mataktak ang kaso sa iyang bana ug makaangkon og temporaryong kagawasan pinaagi sa pagpiyansa.
Gibutyag ni Representative Cagas nga ang pagsipot sa usa lamang ka testigo atol sa arraignment sa kasong murder ni kanhi Davao del Sur Governor Douglas Cagas niadtong Martes makapahinay niini.
"I hope that there will be a fair trial and base only on the merit of the case. Because, as far as I'm concerned, there is only one witness, it is the self-confessed killer Voltaire Mirafuentes and not Henry kasi hindi siya dumating, so pag hindi siya dumating this case will be dismmissed," asoy ni Mercedes.
Duda sab si Cagas nga adunay nagpaluyo sa kaso sanglit gikuwestiyon niini kon nganong nakakuha og tulo ka abogado ang mga Mirafuentes.
"We have also an information that they are planning more that governor could not be out because of political purposes. Yes, this is political. Why? Number one, who can afford lawyer for Voltaire, he has no business and no job at all," pagklaro sa kongresistang babaye.
Hinuon, nasayran sa Sun.Star SuperBalita nga ang National Union of Journalist of the Philippines (NUJP) ang nagkuha og abogado alang sa mga testigo ug pamilya sa gipatay nga si Nestor Bedolido.
Ang NUJP mao ang organisasyon nga nag-protekta sa gawasnong pamahayag ug mga biktima sa pagpamatay sa media.
Apan naglaum gihapon si Mercedez nga makapiyansa ang ilang kampo.
"I hope there will be fair trial because according to the comment of the solicitor general, based in the Acta rules, if you cannot declare a probable cause this case will be dismissed," dugang pa niya.
Nagpasalamat sab ang mga Cagas sanglit wa mobiya ang ilang mga supporters nga nagpaluyo kanila.
Samtang nagdumili pa sa pagbutyag ang mga Cagas kon subling modagan ang nakakulong nga kanhi gobernador human nitumaw ang hungihong nga dili na modagan sa probinsiya si Governor Claude Bautista. (Orlando B. Dinoy)