Batang Pier mga bata pa: Blakely

Mga duwa karon:

4:15 pm. – Purefoods vs. GlobalPort

7:00 pm. – Ginebra vs. Alaska

DAKO ang pagtuo ni import Marqus Blakely ang pabor sa sitwasyon ang Star Hotshots sa PBA Governor’s Cup playoffs diin ikasangka sa two-time defending champion ang fourth seed GlobalPort sugod karong gabii sa Araneta Coliseum.

Anaa man tuod sa Batang Pier ang twice-to-beat nga bintahan, apan alang ni Blakely nga mas makaayo pa nila nga kini maoy ilang makontra kay sa ubang team sama sa Alaska, San Miguel ug Rain or Shine.

“If you had to pick out of the four (twice-to-beat) teams, who would you pick?” Pangutana ni Blakely ug iya ra usab dayon kining gitubag. “I would play GlobalPort.”

“They’re very talented. I don’t want to say they’re not, but they can be beaten,” dugang sa kanhi Best Import awardee. “I think matchup-wise, we’ll be a little bit better.”

Ang ilang duwa sugdan karong alas 4:15 sa hapon.

Ang GlobalPort mipildi sa Hot­shots sa eliminations, 91-89. A­­pan masabot sa ilang mo­niker nga ang Batang Pier bata pa ug ku­­­lang sa eksperiyensya sa playoff.

“Mga bata yan, so takbuhan, pero wala pa silang experience,” matod usab ni Marc Pingris. “Kami andun na, pero kailangan i-maintain yung laro at ‘wag mag-collapse late sa game. Kaya dapat focus lang.”

“We can’t relax, but at the same time, it’s a good setup for us,” padayag usab ni Blakely.

Ang Ginebra nga maoy u­­­wahing nakasulod sa playoff mag-atubang usab og malisod nga dalan human ikasangka niini ang top seed nga Alaska Aces sa main game nga sugdan usab sa alas siete sa gabii.

Ang Kings nakasulod sa playoff human nila mapildi ang Nlex Road Warriors niadtong Miyerkules pinaagi sa three-point shot ni Japeth Aguilar, 110-107.