HAYAG ang posibilidad nga ang sentro sa Kentucky nga si Karl-Anthony Towns maoy mahimong No. 1 pick sa 2015 NBA Draft karong adlawa diin ang Minnesota Timberwolves maoy unang mopili.

Apan alang ni Towns nga wa siyay kasiguroan kon matinuod ba kini ug wa usab siya maglaom og maayo kalabot niini.

“I don’t know right now. Only thing I can control is making sure I’m the best player I can possibly be for whatever organization drafts me tomorrow night,” padayag ni Towns kagahapon.

Si Towns ug si Jahlil Okafor sa Duke ma­oy mga dagko nga nagagikan sa mga po­werhouse programs, ug nalantawan nga maoy mamahimong first two picks.

Ang pambato sa Ohio State nga si D’Angelo Russell ang gituohan nga unang guard nga matawag samtang sila si Kristaps Porzingis ug Emmanuel Mudiay ang pipila sa dili kaayo ilado nga sayo usab nga matawag ni Commissioner Adam Silver sa drafting nga ipahigayon sa Barclays Center sa Brooklyn.

“I’m still going to be top five or whatever the case may be and I’ll still be living my dream of playing in the NBA, so I’ll be excited either way,” pamahayag usab ni Okafor.

Ang Los Angeles Lakers may naghupot sa No. 2 pick, dayon sunod ang Philadelphiaug ang New York Knicks maoy ika-upat.

“Two is not bad, being in Los Angeles,” dugang ni Okafor. “Neither is being in Philly. Especially not being in New York.”