WALAY bugto ang Konseho sa Barangay Carmen pagpahigayon og boxing ug chess nga torneyo alang sa ilang matag tuig nga pagsaulog sa kapistahan sa “Birhen sa Mt. Carmel”.

Usa sa ilang dako sports event nga ipahigayon mao ang 15 ka bout nga boxing nga sanctioned sa Asian Boxing Federation karong Hulyo 14 diha sa korner sa Gaisano Carmen.

Gipangulohan kini sa 12-round championship bout nila superflyweight champion Renoel Pael sa Cebu ug challenger Brian Diano sa Lipa, Batangas sa main event nga atraksyon.

Ang Cebuano nga si Pael naghawid og 18 ka daog ug usa ka pilde samtang ang Batangenyo nga si Diano adunay siyam ka daug ug 18 ka pilde.

Uban pang events mao ang professional boxing ug 10 ka amateur bout. Aduna sab chess nga ipahigayun uban sa boxing events.